Malachi 1
1Thusuak khat: Israel tungah Malachi ▼▼1.1 Malachi pen ka thuphapa cihna
tungtawn in TOPA thu a tung hi. b Jacob It, Esau Mudah
2 TOPA in, “Note kong it hi,” ci hi. “Ahi hangin note in, ‘Nang kote bang hong ci it na hi hiam?’ ci-in nong dong uh hi. c TOPA in, “Jacob sanggampa Esau hi lo hiam?” a ci hi. Tua hi napi Jacob ka it a, d 3ahi hangin Esau ka mudah hi; a mualliante pawnlak ka suaksaka, ama luahna teng sehnel-gam se-alte ka nusiat hi,” a ci hi. e 4 Edom in, “Ei hong kisukzan hangin asia teng i lam kik ding hi,” cikha thei ding hi. f Ahi zongin Thahatpen TOPA thugen hih ahi hi: “Amaute in a lam theih uh hangin ka susiamang ding hi. Amaute, Tua TOPA thangpaihna nuai-a om tawntung A Gilo Gam mite, kici ding hi. 5Note in na mit un na mu ding uh a, ‘Israel-te gamgi khen nangawn ah - TOPA lian hi!’ na ci ding uh hi.A Kawkbaang biakpiaknate
6 “Tapa in a pa pahtawi-a, nasempa in a pu a pahtawi hi. Pa khat ka hileh kei hong kipahtawina koi ahi hiam? Pu khat ka hileh kei hong kizahtakna koi ahi hiam?” Thahatpen TOPA in a ci hi. Siampite aw, ka min a simmawh note na hi uh hi. g “Ahi hangin, ‘Na min bangci simmawh ka hi uh hiam?’ ci-in nong dong uh hi. 7 “Ka biakna-tau tungah an ninsa na koih uh hi. h “Ahi hangin,’Bang hong ci nitsak ka hi uh hiam?’ ci-in nong dong uh hi. “TOPA sabuai simmawhhuai na ci uh hi. 8Biakpiakna dingin ganhing mittaw nong ken uh ciangin khialhna hi lo ahi hiam? Ganhing khebai ahikeh a cina khata nong biak uh ciangin mawhna hi lo ahi hiam? Na ukpipa uh tuate in va bia dih un! Nang tungah a lungkim ding hiam? Hong sang na diam?” Thahatpen TOPA in ci hi. i 9 “Tu-in Pasian in note hong hehpih theih nadingin thum un. Tuaci-a note khut pan a na biaknate uh tawh note hong sang na diam?” Thahatpen TOPA in ci hi. j 10 “Biaknatau tungah bangmah a kimang lo mei na vak loh nadingun note khat in biakinn kongkhakte khak zaw un! Note tungah ka lung a kim kei hi,” Thahatpen TOPA in ci a, “Na khutte panun biakna kong sang kei ding hi. 11Minamte lakah nisuahna-a kipan nitumna dong ka min a lian ding hi. Mun khempeuh ah ka min, gimnamtui le biakna siangtho a kipuak ding hi, bang hang hiam cih leh minamte lakah ka min a lian ding hi,” Thahatpen TOPA in a ci hi. k 12 “Ahi hangin note in, ‘Topa sabuai nin lel, a ante simmawhhuai,’ cihna tawh Topa sabuai na buahsak uh hi. 13Tua ciangin, ‘Cimhuai lel,’ na ci uh a, simmawhin na mukpiksan uh hi,” Thahatpen TOPA in a ci hi. l “Ganhing liamsa, a khebai ahikeh a cina hong paipihin biakna-a na piak uh ciangin note khut panin tuate hong sang ding ka hi hiam?” TOPA in ci hi. 14“A tuuhon lakah san theih ding tuu apa piak ding hong kamciam napi Topa tungah ganhing a kawkbaang a piate kihamsiat ta hen. Ahang in keimah a lian kumpipa ka hi-a, minamte lakah ka min kihtak ding ahi hi, “Thahatpen TOPA in a ci hi. m
Copyright information for
ZomZIV